L'è passaa on ann

L'è passaa on ann,

sont anmò chì,

settaa sù ‘n sass

in val d'Ayas,

in de la stessa cà.

La Federica l'è pussee

granda e prepotenta,

e gh’è anca la Veronica

e com’ i fioeu de la sua

età fan anca danaa,

la soa mama el sò papà.

I nonni stan a vardaa.

Gh'è  nient de noeuv,

i nivol giughen tra de lor,

i vacch pascolen

in mezz a i fior.

I villeggianti van e vegnen.

Nun vecc casciom

i sòlit ball de

quand serom sbarbaa,

e tra ona balla e l'altra

và giò anca el so,

chì in val d'Ayas.

E a mì me fà

semper mal el cuu,

a stà settaa sù

on sass in val d'Ayas.